Hot & Spicy kyllingsuppe

0 Flares Twitter 0 Facebook 0 Pin It Share 0 Filament.io 0 Flares ×
Print Friendly

Denne suppa eignar seg svært godt til kyllingkjøt, men sjølve oppskrifta kan lagast som ein basis og så kan ein tilsette andre typar kjøt eller skalldyr/fisk. Ein av dei viktigaste ingrediensane er Red Curry Paste; ei våt chilikrydderblanding med kremete konsistens. Curry paste får du kjøpt i dei fleste daglegvareforretningar. Kyllingsuppe passar godt no når hausten kjem med kjøligare dagar og mørke kveldar.

kyllinggryte, red curry1Oppskrift til fire porsjonar:

4 kyllingfilètar

2 bokser kokosmjølk

ca 6 dl fløyte eller matfløyte

6 dl vatn

2 terningar grønsaksbuljong

1 gul lauk

1 raud lauk

1 raud paprika

1 grøn paprika

10 duskar med brokkoli

4-6 fedd kvitlauk

5 ts raud curry paste

litt kverna pepar

2 ts smør

Slik gjer du det:

Kutt alle grønsakene i små bitar. 

Ha 1 ts smør, kutta kvitlauk og curry paste i ein kjele og fres dette. 

Tilsett vatnet og buljongterningane. Rør til buljongterningen har løyst seg opp.

Tilsett kokosmjølk og fløyte, gi eit oppkok. 

Ha i grønsakene når suppa kokar og la den småkoke i 7-10 minutt. 

Smak til med pepar før servering.

Medan suppa kokar steikjer du kyllingfiletane på panna (bruk 1 ts smør i steikjepanna). Dei skal verte gylne og gjennomsteikte. 

Skjær den steikte kyllingfileten i mindre bitar og legg bitane i botnen på suppetallerkenen. Slå den varme suppa over.

Server med grovt brød. 

Sjå andre måtar å bruke suppa på under biletet. 

kyllinggryte, red curry2 

Ved å berre lage basisen til suppa, kan du sette restar i kjøleskapet og ha anna tilbehør til den dagen etterpå. Her er ulike forslag til tilbehør som eignar seg å bruke:

  • laks i terningar
  • ei blanding av ulike fiskesortar
  • reker

Du kan også ete suppa utan andre tilsettingar. 

 


Om Tove

Kvardagsmenneske. Sans for det gode liv. Engasjert. Trebarnsmamma. Godt gift med draumemannen. Bur på vakraste stad på jord. Er fascinert av det skrivne ord. Glad i reiser og spanande opplevingar. Set pris på at akkurat DU les bloggen min!!!

Filed under Middag - fisk, Middag - kylling, Supper, Vegetar | Tagged , , , , , , | Kommentar

Legg igjen en kommentar

Din e-postadresse vil ikke bli publisert. Obligatoriske felt er merket med *