Koreansk mat er nok den minst kjente asiatiske maten, men trulig ein av de mest smaksrike. Ris er viktig i koreansk mat, gjerne tilsett smakar som sesamolje, salt, kvitløk, ingefær, soyasaus og chilipasta.

KOREAN BEEF OVER RICE

Oppskrifta eg presenterer i dag, fann eg på ei amerikansk nettside. Den er svært barnevennleg og veldig rask å tilberede. Set gjerne på risen før du byrjar med resten, slik at den er klar når kjøttet er klart. Med ein god salat til, rekk denne oppskrifta til ein familie på fem. 

Du treng:

2 pk karbonadedeig

1/4 kopp brunt sukker 

1/4 kopp soyasaus

1 ss sesamolje

3 store fedd kvitløk

1/2-1 ss ingefær, finhakka

1/2-1 ss tørka chiliflak eller fersk chili

1 bunt vårløk

salt og pepar

ris

Slik gjer du det:

Varm sesamolje i ei steikepanne. Skru ned til medium varme og tilsett kvitløk. La kvitløken surretil den er gyllen og blank,  ca 2 minutt. 

Tilsett karbonadedeigen i steikepanna og steik den. Finhakk den. 

Tilsett brunt sukker, soyasaus, salt og pepar, ingefær og chili. Bland alt godt og la det få surre i nokre minutt. 

Anrett på tallerken med ris. Dryss rikeleg med vårløk på toppen. 

Server gjerne med ein frisk appelsinsalat. Oppskrifta finn du her. 

Bileta er tekne med Iphone ein mørk og sein ettermiddag, kvaliteten er difor så som så…. Kjelde til den opprinnelege oppskrifta finn du her.