Kjeks med Honni Korn og peanøtter

0 Flares Twitter 0 Facebook 0 Pin It Share 0 Filament.io 0 Flares ×
Print Friendly

Eg er visst i kjeksmodus for tida! Kanskje fordi det er så enkelt og lite tidkrevande, og kanskje fordi ein aldri får nok til å putte i piknikkorga når sola skin på Sunnmøre! I dag deler eg oppskrifta på kjeks med Honni Korn og peanøtter.

kjeks5

 

Kjeks med Honni Korn og peanøtter, ca 24 stk

2 dl kveitemjøl

1/2 ts bakepulver

1/8 ts natron

3/4 dl kvitt sukker

3/4 dl brunt sukker

100 g smør, smelta

1 egg

1 ts vaniljesukker

100 g sjokolade

1 dl havregryn

1 dl Honni Korn

1 1/2 dl salte peanøtter

Slik gjer du det:

  • Ha mjøl, bakepulver, natron, havregryn, alt sukkeret, vaniljesukker, smelta smør (avkjølt) og egg i ein bakebolle og rør til ei jamn og god deig.
  • Vend inn hakka sjokolade, Honni Korn og peanøtter.
  • Sett deigen med ei skei på ei bakeplate kledd med bakepapir.
  • Steik kjeksa midt i omnen ved 200 grader, ca 12 minutt. Avkjøl på rist.

kjeks6

 

Der er fleire måtar du kan variere desse kjeksa på:

  • Honni Korn kan byttast ut med Cornflakes eller All Bran Flakes.
  • Du kan godt kutte ut det kvite sukkeret, utan å måtte erstatte det med anna sukker.
  • Peanøtter kan godt byttast ut med andre nøtter, t.d. pecan eller valnøtter.
  • Sjokoladen kan erstattast av tørka bær som du måtte like.

kjeks8

 

Kjeksa fekk bein å gå på då vi hadde dei med på fjellet på søndag. To ulike sortar vart pakka ned i den gamle piknikkboksa som stod att i huset då vi tok over garden. Den står på pynt på kjøkkenet, men blir også brukt når vi skal på tur. Dei andre kjeksa i boksa er med kvit sjokolade og du finn oppskrifta på dei her. Begge oppskriftene er basert på oppskrifter eg har funne i Maison Mat & Vin juni/juli 2013.

kjeks7


Om Tove

Kvardagsmenneske. Sans for det gode liv. Engasjert. Trebarnsmamma. Godt gift med draumemannen. Bur på vakraste stad på jord. Er fascinert av det skrivne ord. Glad i reiser og spanande opplevingar. Set pris på at akkurat DU les bloggen min!!!

Filed under Bakverk/gjærdeig, Kaker, Søtt og godt | Tagged , , , , , , , , | 2 Kommentarer

2 Responses to Kjeks med Honni Korn og peanøtter

  1. Else Ruud-Jørgensen sier:

    Har prøvd ut oppskriften i dag. Hos meg ble denne deigen lite sammenhengende ( jeg droppet sjokolade). Jeg trykket derfor hele deigen utover i langpanne og skar opp i firkantede kjeks etter steking. De ble noe harde,synes jeg, men smakte virkelig godt, og kan utmerket dypeste i kaffen! 😉

  2. Else Ruud-Jørgensen sier:

    Har prøvd ut oppskriften i dag. Hos meg ble denne deigen lite sammenhengende ( jeg droppet sjokolade). Jeg trykket derfor hele deigen utover i langpanne og skar opp i firkantede kjeks etter steking. De ble noe harde,synes jeg, men smakte virkelig godt, og kan utmerket dyppes i kaffen! 😉

Legg igjen en kommentar

Din e-postadresse vil ikke bli publisert. Obligatoriske felt er merket med *