Heimelaga aioli

27 Flares Twitter 1 Facebook 25 Pin It Share 1 Filament.io 27 Flares ×
Print Friendly

Å lage majones eller aioli er ikkje så vanskeleg som ein skulle tru. Ein treng forholdsvis få ingrediensar, men kan variere smaken alt etter kva ein skal servere aiolien til. Om ein tek omsyn til nokre lure knep, så vil alle kunne klare å lage sin eigen majones eller aioli:

kvitløk

 

aiolicollage

 

A I O L I – stor porsjon

Eg har tatt utgangspunkt i oppskrifta til Tom Victor Gausdal frå kokeboka «Familiekokeboka» og så har eg endra lit t på den for å få den slik eg ville ha den.

6 eggeplommer

2 ts dijonsennep

5 dl solsikkeolje

1 dl olivenolje

5-6 fedd kvitløk

1 ts salt

pepar

1 ss sitronsaft (frå fersk sitron)

Slik gjer du det:

Bruk gjerne kjøkkenmaskin med visp dersom du har, eller bruk rå handemakt – for her må det rørast!

Ha eggeplommer, sennep og kvitløk i kjøkkenmaskina. Køyr litt for å blande godt alle ingrediensane.

Slå i ca halvparten av oljen i ein så tynn stråle som du kan, medan kjøkkenmaskina går på høg hastigheit.

Ha i sitronsafta og deretter resten av oljen – framleis i ein tynn stråle.

Ha i salt og dryss i pepar.

Aiolien er no ferdig! 

Ha aiolien i ei lufttett boks og oppbevar den i kjøleskapet. Då dette er eit produkt utan kunstig tilsettingsstoff, kan den ikkje stå så lenge i kjøleskapet. Men 3-4 dagar toler den godt!

Du må gjerne smakssette med friske urter òg!

aioli3

 

Om du ikkje har kvitløk i dette, så har du ein heilt vanleg majones. Dersom det er kvitløk i, kan du kalle det aioli. Dette seier wikipedia om aioli:

«Aioli (fra katalansk: allioli, i betydningen hvitløk og olje) er en kald saua fra nordøstre Spania, og områdene rundt Katalonia og Valencia. Sausen består vanligvis av hvitløk, egg, salt, sitronsaft  eller eddik og olivenolje. Det finnes en rekke ulike varianter og kryddertilsetninger. Aioli nytes gjerne til grillet eller stekt kjøttmat og tapas. Den nytes også som dip.»

aioli2

Det smakar mellom anna nydeleg med aioli som dipp til foccacia. Oppskrift på foccacia finn du her.  I kveld står aioli på menyen i lag med Sticky Chicken, foccacia og god salat.


Om Tove

Kvardagsmenneske. Sans for det gode liv. Engasjert. Trebarnsmamma. Godt gift med draumemannen. Bur på vakraste stad på jord. Er fascinert av det skrivne ord. Glad i reiser og spanande opplevingar. Set pris på at akkurat DU les bloggen min!!!

Filed under Ingrediensar, tapas, Tips og idèar | Tagged , , , , , , , , , , , | 2 Kommentarer

2 Responses to Heimelaga aioli

  1. Mmm..i kveld vert det blåskjell, nysteikt baguettarog aioli. Alltid like kjekt å kikke innom bloggen din – delikat presentasjon av freistande oppskrifter . Lag ein fin kveld 🙂

  2. Tilbaketråkk: Hjemmelaga majones | Low FODMAP Inspirasjon

Legg igjen en kommentar

Din e-postadresse vil ikke bli publisert. Obligatoriske felt er merket med *