Basis: italiensk pizzabotn

13 Flares Twitter 1 Facebook 12 Pin It Share 0 Filament.io 13 Flares ×
Print Friendly

Det karakteristiske med italiensk pizza er den tynne botnen. Du kan ha på kva som helst, men botnen må vere tynn. Det er sjølvsagt eit pluss om tomatane i sausen er av god kvalitet og osten på toppen er mozzarella. Det beste av alt er at det er få ingrediensar du treng for å lage ein svært god pizzabotn!

På bloggen kjem eg til å poste nokre oppskrifter som eg kallar «Basis». Dette er oppskrifter som er vanlege og som ein ofte kan ha bruk for. Fyrst ut er altså ei oppskrift på italiensk pizzabotn.

basisoppskrift bilete

 

Italiensk pizzadeig (nok til to passe store, runde botnar)

8 dl kveitemjøl

3 dl lunka vatn

1 pose tørrgjær

1/2 ts salt

Alternativt: tilsett litt tørka krydderurter som minner om Italia

Ha mjøl, salt og tørrgjær i ein bolle. Tilsett vatnet og rør godt. Ta deigen over på benken og elt den godt. Legg tilbake i bollen, dekk med plast og eit klede, set på ein lun plass for å heve til dobbel størrelse, ca 30 minutt. Enkelt, ikkje sant?

Eg har eksperimentert litt med ulike typer tørrgjær, m.a. har eg prøvd pizzagjæra som er å få kjøpt i butikken. Det skal visst nok gjere deigen lettare å kjevle ut, meir elastisk og så skal ikkje deigen rivne så lett. Det kan hende dei har rett, folka på Idun, for eg kan skrive under på alt! Eg likar godt å bruke den! 

Når deigen er ferdigeheva deler du den i to og kjevlar ut to botnar. Ha på det fyllet du likar best og steik på 250 grader i 10-12 minutt.

pizza

 

 

 


Om Tove

Kvardagsmenneske. Sans for det gode liv. Engasjert. Trebarnsmamma. Godt gift med draumemannen. Bur på vakraste stad på jord. Er fascinert av det skrivne ord. Glad i reiser og spanande opplevingar. Set pris på at akkurat DU les bloggen min!!!

Filed under Bakverk/gjærdeig, Pizza, Tips og idèar | Tagged , , , , , , , , , , , , | 1 Kommentarer

One Response to Basis: italiensk pizzabotn

  1. ingrid sier:

    her i heimen likar vi og tynne pizzabunner
    men vi brukar ikkje gjær og synes det blir best, faktisk

Legg igjen en kommentar

Din e-postadresse vil ikke bli publisert. Obligatoriske felt er merket med *