Fløtekarameller til jul!

1 Flares Twitter 0 Facebook 1 Pin It Share 0 Filament.io 1 Flares ×
Print Friendly

Helgefreden har senka seg i heimen og vi konstanterer at vi kom i mål – nok ein gong! Sjølv om eg har laga mindre mat og førebudd jula mindre enn nokon gong, så vart det altså jul likevel. På bordet står eit fat med verdens beste fløtekarameller, og medan Narvestad herjar rundt på TV-skjermen går karamellene ned på høgkant!

Oppskrifta på karamellene har eg fått med konditormeister Annemari Erlbeck.

Annemari Erlbeck sine fantastiske fløtekarameller!

Fløtekarameller

250 gram fløte

250 g sukker

75 g smør

150 g honning

3 g salt

Bland saman alle ingrediensane i ei panne og kokk opp. Set i eit digitalt steiketermometer og la karamellmassen få koke til ein temperatur på mellom 118 og 124 grader. Dersom du ikkje har steiketermometer, så tek du karamelltesten (ha nokre dråpar karamellmasse i eit glas med iskaldt vatn, dersom dråpane stivnar er karamellene klar).

Kle ei eldfast form med bakepapir og slå i den varme karamellmassen. La stå til dei heile stivnar. Skjær i små bitar når den er stiv nok.

Du må gjerne doble oppskrifta, for desse forsvinn før du får sukk for deg!

 


Om Tove

Kvardagsmenneske. Sans for det gode liv. Engasjert. Trebarnsmamma. Godt gift med draumemannen. Bur på vakraste stad på jord. Er fascinert av det skrivne ord. Glad i reiser og spanande opplevingar. Set pris på at akkurat DU les bloggen min!!!

Filed under Dessert, Jul, Søtt og godt | Tagged , , , , , , , | Kommentar

Legg igjen en kommentar

Din e-postadresse vil ikke bli publisert. Obligatoriske felt er merket med *