Bacalao De Pedro

1 Flares Twitter 0 Facebook 0 Pin It Share 1 Filament.io 1 Flares ×
Print Friendly

Å sette seg ned å nyte ein god, varm, sterk og smakfull bacalao er noko av det  beste som finst. Siste åra har eg sjeldan laga den type bacalao der eg handlar inn klippfisken, vatnar den ut etc. Eg har nytta meg av ein mykje enklare, men likevel heimelaga variant.

«Bacalao De Pedro» er eit slags «do it yourself»-kit for alle som er glade i bacalao go som kanskje ikkje får tak i alle råvarene ein treng. Den svarte boksa inneheld løk, tomatsaus, chili, hermetisk paprika, rå løk og sjøvlsagt bitar med klippfisk. For meg er dette kortreist mat. Bacalaoen blir produsert i Barstadvika, ei lita bygd i heimkommunen min. «Bacalaofabrikken AS» har nokre få tilsette som sørger for at det er dei aller beste råvarene som vert nytta i det ferdige produktet. Sjekk gjerne heimesida deira her.

«Bacalao De Pedro» må tilsettast poteter og olje. Du kan bruke den berre slik; innhaldet i boksa, olje og poteter. Eller du kan gjere som meg; tilsette ekstra godsaker for å piffe den litt opp.

Dette treng du til fire personar:

Det er viktig at boksa med bacalao får tine på benken i 8 timar før du skal tilberede måltidet. Innhaldet i boksa er djupfrose.

Ei boks Bacalao De Pedro (stor, står «4 personar» på lokket)

8 middles store poteter

1 lite glas tomatpurè

4 fedd kvitløk

2 store gulrøter

2 dl god olivenolje

Slik gjer du det:

Skrell potetene og skjær dei i 5-7 mm tjukke skiver. Gjer det same med gulrøtene, men del dei i tynnare skiver. Skrell og finhakk dei fire fedda med kvitløk.

Hell oljen i ei gryte, deretter 1/3 av potetene, halvparten av gulrotskivene og halvparten av den finhakka kvitløken. Legg over halvparten av innhaldet i boksa (del vertikalt), så dei neste 1/3 av poteten og resten av gulrota og kvitløken. Fordel over siste rest av innhaldet i boksa og legg over resten av potetene. La det heile småputre i 45 minutt (til potetene er møre). Vend forsiktig før servering.

Tilbehør

Det er mykje tilbehør som passar til bacalao. Du kan bruke loff, flatbrød eller baguettar. Eg brukar å lage ein variant av kvitløksbrød. Eg tek baguettar og deler på langs. Så blandar eg Bremykt og finhakka kvitløk (og litt finhakka chili om eg har det), smører på baguettane, legg over tynne tomatskiver og steikjer dei på 200 grader til dei er passe gylne og sprø. Mange likar å servere ein grøn salat til, men eg er ikkje van med det. Som drikke kan du servere vatn, øl eller ein god raudvin.

Variasjon

Du kan sjølvsagt laga denne bacalaoen utan å tilsetje poteter, og så heller servere poteter ved sidan av. Eg har også servert Bacalao De Pedro med spicy potetstappe, noko som faktisk var vellukka.

«Bacalao De Pedro» er å få kjøpt i dei aller fleste butikkjeder rundt om i landet. Du finn den svarte boksa i frysedisken.

«Bacalao De Pedro inneholder dei viktigste råvarene for en god matopplevelse. Den velprøvde sammensettingen av råvarer gir en fin balanse mellom smak, konsistens og farge. Med Bacalao De Pedro slipper du utvanning og rensing av klippfisk. Du tilsetter kun poteter og olje og tilbereder bacalaoen etter anvisning på esken. Bacalao De Pedro er basert på den tradisjonsrike retten «Bacalao a la Vizcaina» som har sin opprinnelse fra Baskerland og Rioja i Nord-Spania. Denne retten ble introdusert på Mørekysten av spanske eller baskiske fiskeoppkjøpere rundt 1830″

Teksten er henta frå innpakkinga.


Om Tove

Kvardagsmenneske. Sans for det gode liv. Engasjert. Trebarnsmamma. Godt gift med draumemannen. Bur på vakraste stad på jord. Er fascinert av det skrivne ord. Glad i reiser og spanande opplevingar. Set pris på at akkurat DU les bloggen min!!!

Filed under Middag - fisk, Tips og idèar | Tagged , , , , , , , | Kommentar

Legg igjen en kommentar

Din e-postadresse vil ikke bli publisert. Obligatoriske felt er merket med *

Du kan bruke disse HTML-kodene og -egenskapene: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>